The Times (1880) / Protesta e ulqinakëve drejtuar konsujve të Anglisë, Francës, Italisë, Gjermanisë, Austro-Hungarisë dhe Rusisë në Shkodër

Nga Aurenc Bebja*, Francë – 21 Maj 2020

 

“L’Union Conservatrice” ka botuar, të enjten e 30 shtatorit 1880, në faqen n°2, shkrimin e gazetës britanike “The Times” në lidhje me shkresën e ulqinakëve drejtuar asokohe konsujve të Anglisë, Francës, Italisë, Gjermanisë, Austro-Hungarisë dhe Rusisë në Shkodër, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

 

Protesta e Ulqinakëve

 

Ja, sipas Times-it, përkthimi i mirëfilltë i protestës së banorëve të Ulqinit drejtuar konsujve :

 

“Konsujve të Anglisë, Francës, Italisë, Gjermanisë, Austro-Hungarisë dhe Rusisë në Shkodër.

 

Shkëlqesi, me shumë pikëllim kemi mësuar se brenda disa ditësh, flotat e fuqive evropiane do të arrijnë në ujërat e Ulqinit për të na detyruar të dorëzojmë qytetin tonë të dashur Malit të Zi.

 

Për shumë shekuj, ne, banorët e Ulqinit, kemi qëndruar nën sundimin dhe mbrojtjen e pushtetit osman, dhe do të ishte e pamundur për ne që të përshtasim zakonet, traditat, gjuhën dhe fenë tonë me ato të Malit të Zi, të cilat janë të gjitha të ndryshme dhe madje të kundërta.

 

Kjo është arsyeja pse ne jemi të vendosur me rreptësi për të zmbrapsur çdo sulm, çfarëdo qoftë ai, nga ana e Malit të Zi dhe të vuajmë asgjësimin e qytetit dhe të popullit tonë, sesa të nënshtrohemi. Përgjegjësia për gjakun që mund të derdhet në kufijtë e tij do të bjerë mbi malazezët, sepse ne nuk do të jemi shkaku.

 

Sidoqoftë, shpresojmë që rreziku i një konflikti të shmanget, pasi ne e dimë se fuqitë e mëdha nuk synojnë shkatërrimin, por mirëqenien e popujve.

 

Ne kërkojmë nga Shkëlqesia Juaj që të njoftoni qeverinë që ju përfaqësoni për vendosmërinë tonë të pakthyeshme dhe do të jemi shumë mirënjohës nëse ky komunikim nderohet me një përgjigje.”

 

[Shkrimi përfundon me tridhjetë firmat e anëtarëve të komitetit për mbrojtjen e Ulqinit (me vulat e tyre bashkangjitur), plus atyre të krerëve të vullnetarëve, të pleqve të qytetit, etj.]

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/the-times-1880-protesta-e-ulqinakeve-drejtuar-konsujve-te-anglise-frances-italise-gjermanise-austro-hungarise-dhe-rusise-ne-shkoder/. Në rast të kundërt mos e publiko.

 

 

Publikuar në :

 

https://americaneye.al/the-times-1880-protesta-e-ulqinakeve-drejtuar-konsujve-europiane/

 

https://www.voal.ch/times-1880-protesta-e-ulqinakeve-drejtuar-konsujve-te-anglise-frances-italise-gjermanise-austro-hungarise-dhe-rusise-ne-shkoder/

 

http://www.standard.al/2020/05/21/the-times-1880-protesta-e-ulqinakeve-drejtuar-konsujve-te-anglise-frances-italise-gjermanise-austro-hungarise-dhe-rusise-ne-shkoder/

 

https://tirananews.al/the-times-ne-1880-kur-ulqinaket-protestonin-te-fuqite-e-medha-per-te-mos-iu-dorezuar-malit-te-zi/

 

https://www.syri.net/arte-media/341097/paralajmerimi-i-ulqinakeve-fuqive-te-medha-te-vendosur-te-zmbrapsim-cdo-sulm/

 

https://njekomb.org/the-times-1880-protesta-e-ulqinakeve-drejtuar-konsujve-te-anglise-frances-italise-gjermanise-austro-hungarise-dhe-rusise-ne-shkoder/

 

http://www.gazetatema.net/2020/05/21/the-times-1880-protesta-e-ulqinakeve-drejtuar-konsujve-te-anglise-frances-italise-gjermanise-austro-hungarise-dhe-rusise-ne-shkoder/

 

http://www.arsalbanica.mk/the-times-1880-protesta-e-ulqinakeve-drejtuar-konsujve-te-anglise-frances-italise-gjermanise-austro-hungarise-dhe-rusise-ne-shkoder/

 

https://www.botasot.info/historia-lajme/1296972/the-times-1880-protesta-e-ulqinakeve-drejtuar-konsujve-te-anglise-frances-italise-gjermanise-austro-hungarise-dhe-rusise-ne-shkoder/

 

http://infoshqip.me/protesta-e-ulqinakeve-drejtuar-konsujve-te-anglise-frances-italise-gjermanise-austro-hungarise-dhe-rusise-ne-shkoder-the-times-1880/

 

https://opinion.al/1880-protesta-e-ulqinakeve-drejtuar-konsujve-te-huaj-ne-shkoder/

 

http://plavaeguciasot.com/the-times-1880-protesta-e-ulqinakeve-drejtuar-konsujve-te-anglise-frances-italise-gjermanise-austro-hungarise-dhe-rusise-ne-shkoder-nga-aurenc-bebja-france/