Rrëfimi i rrallë për mbretëreshën Geraldinë nga vajza e rritur me të në manastirin e “Zemrës së Shenjtë”, në Pressbaum të Austrisë

Nga Aurenc Bebja*, Francë – 29 Gusht 2018

 

“Le Journal” ka botuar, të dielën e 9 prillit 1939, në faqen n°3, një intervistë të rrallë me Genevièvën, vajzën që ka jetuar me mbretëreshën Geraldinë në manastirin e Zemrës së Shenjtë, në Pressbaum të Austrisë.

 

Gazeta franceze, duke dashur të di më shumë për mbretëreshën shqiptare, e ka pyetur Genevièvën mbi përshtypjet që ajo i ka lënë gjatë kohës që kanë qenë bashkë.

 

Në vijim, do të gjeni tekstin e plotë, të sjellë në shqip nga Aurenc Bebja – Blogu “Dars (Klos), Mat – Albania” :

 

 

Kujtime në manastirin e Zemrës së Shenjtë, ku Geraldina e Shqipërisë ishte një vajzë e madhe pafundësisht e mirë dhe e urtë.

 

— Por, meqë e njeh mbretëreshën Geraldinë, na trego përshtypjen që ke ruajtur prej saj.

 

Genevièva e vogël, që intervistova, m’u duk e druajtur.

 

— Pra, ti je rritur në shoqërinë e saj në manastirin e Zemrës së Shenjtë, në Pressbaum; na trego kujtimet e tua.

 

— Oh! sidomos, m’u përgjigj Genevièva, ajo më bëri të haja atë që mund të më bënte të ha ! Ajo ishte presidentja (përgjegjësja) e tavolinës sime. Duhet t’ju them se në Zemrën e Shenjtë, vajzat e vogla, kanë gjithmonë një presidente, më të madhe, e cila vrojton mbi to. Kur ajo shfaqej, bisedimet mbaronin, sepse ajo ishte e urtë dhe e ashpër. Ajo e mbante kokën drejt dhe mundohej të drejtonte flokët e saj kaçurrela.

 

“Fëmijët e mi” – thonte ajo, “nëse nuk hani, ju do të jeni më vonë krimba të vegjël, por kurrë gra.”

 

— Dhe sidomos jo mbretëresha, përgjigjeshim ne atëherë; sepse e dinim, që një cigane e vjetër i kishte parashikuar Geraldinës se do të martohej me një mbret.

 

“Kur, për të bërë shaka, e thërrisnim “Mbretëresha Geraldinë”, ajo nuk protestonte, nuk zemërohej, por as nuk qeshte. Vajzave të rritura u dukej e bukur. Ajo ishte gjithashtu shumë e mirë. Kur një vajzë e vogël kishte një problem, Geraldina ishte gjithmonë e gatshme t’a ndihmonte.”

 

“Kur e morëm vesh në manastir, një vit pas nisjes së saj, që ajo po martohej me Mbretin Zog, nuk qemë të befasuara. Mbretëria e Shqipërisë na u duk paksa e vogël për Geraldinën. Ne menduam se ajo do të ishte së paku një ditë mbretëreshë e Amerikës apo Japonisë.”

 

“Nënat e shkreta (motrat e manastirit) ishin të pikëlluara dhe të mahnitura. Mendoni vetëm një çast, një nxënëse e Zemrës së Shenjtë që martohet me një mysliman ? Apo gati sa dhe kishin thënë se ajo ishte bërë myslimane ?”

 

“Kjo nuk ishte e vërtetë. Geraldina erdhi në Austri disa javë para martesës së saj dhe nuk mungoi të shkonte për të parë nënat që e kishin rritur. A i bindi ato ? A e pranuan ato vendimin e saj ?”

 

“Kur ajo u nis për në Tiranë, mori urimet e mësuesve (edukatorëve) të saj dhe bekimin e rrëfyesit të saj.”

 

Genevièva nuk më tha asgjë më shumë. Ngjarjet në Shqipëri e trishtojnë atë, sikur të ishte vendi i saj. “E shkreta Geraldinë, përsëriti ajo, e shkreta mbretëreshë Geraldinë !”

 

Po, e shkreta Geraldinë, fatet mbretërore nuk janë për t’u patur zili sot. — D. A.

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/rrefimi-i-rralle-per-mbretereshen-geraldine-nga-vajza-e-rritur-me-te-ne-manastirin-e-zemres-se-shenjte-ne-pressbaum-te-austrise/. Në rast të kundërt mos e publiko këtë shkrim.

 

 

Publikuar në :

 

https://americaneye.al/rrefimi-rralle-vajzes-se-rritur-geraldinen-fati-se-shkretes-nuk-ishte-per-tu-patur-zili/

 

http://www.panorama.com.al/e-shkreta-geraldine-fati-i-saj-nuk-ishte-per-tu-patur-zili-rrefimi-i-rralle-nga-vajza-e-rritur-me-te-ne-manastir/

 

https://www.voal.ch/interviste-ekskluzive-rrefimi-rralle-per-mbretereshen-geraldine-nga-vajza-e-rritur-te-ne-manastirin-e-zemres-se-shenjte-ne-pressbaum-te-austrise/

 

https://www.syri.net/arte-media/189462/shqiperia-na-u-duk-paksa-e-vogel-per-geraldinen-menduam-se-ajo-duhej-te-ishte-se-paku-mbretereshe-e-amerikes-apo-japonise/

 

http://www.njekomb.com/?p=134947

 

https://sot.com.al/dossier/u-rriten-bashke-rrefimi-i-rralle-i-vajzes-mbretereshen-geraldine-e-shkreta-fati-i-saj-nuk

 

http://www.gazetatema.net/2018/08/29/rrefimi-i-rralle-i-vajzes-se-rritur-me-geraldinen-ne-manastir-fati-i-se-shkretes-nuk-ishte-per-tu-patur-zili/

 

https://blog.alpenews.al/aurenc-bebja-e-shkreta-geraldine-fati-i-saj-nuk-ishte-per-tu-patur-zili

 

http://lexo.al/e-shkreta-geraldine-fatet-mbreterore-nuk-jane-per-tu-patur-zili-sot/

 

http://maqedoniashqiptare.com/2018/08/321904/

 

http://opinion.al/rrefimi-i-jashtezakonshem-per-mbretereshen-e-shqiperise-geraldina-vajza-e-manastirit-qe-u-martua-me-nje-mysliman/

 

http://shqiptarja.com/lajm/rrefimi-i-rralle-i-vajzes-se-rritur-me-geraldinen-ne-manastir-fati-i-se-shkretes-nuk-ishte-per-tu-patur-zili?r=kh11

 

https://www.faxweb.al/e-shkreta-geraldine-fati-i-saj-nuk-ishte-per-tu-patur-zili-rrefimi-i-rralle-per-mbretereshen/

 

http://politiko.al/genevieva-kur-geraldina-e-re-jetonte-ne-manastirin-austriak/

 

http://www.botasot.info/historia-lajme/942392/rrefimi-i-rralle-per-mbretereshen-geraldine-nga-vajza-e-rritur-me-te-ne-manastirin-e-zemres-se-shenjte-ne-pressbaum-te-austrise/