Paris-presse (1970) / Emri i djalit, krahasimi me Belmondon, gruaja dhe e dashura e tij, numri i fëmijëve që dëshiron… – Intervista ekskluzive me Bekim Fehmiun

Nga Aurenc Bebja*, Francë – 21 Tetor 2019

 

“Paris-presse” ka botuar, të shtunën e 7 shkurtit 1970, në faqen n°20, intervistën ekskluzive të aktorit të talentuar shqiptar, Bekim Fehmiut, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

 

Djali i Uliksit (18 muajsh) quhet Uliks, në kujtim të serialit “Odiseja”

 

Është e vështirë të njohësh në Uliksin me mjekër, heroin e “Odisesë”, serialin që transmetohet dy herë në muaj në kanalin e 2-të që do të shihni sonte, Bekim Fehmiun, yllin e “Kam takuar madje ciganë të lumtur”, një film që fitoi çmimin special të jurisë në 1967 në Kanë.

 

Belmondo jugosllav

(krahasim me aktorin e famshëm francez Jean-Paul Belmondo)

 

Megjithatë së shpejti Bekim Fehmiu, 33 vjeç, nuk do të kalojë më pa u vënë re në rrugë : filmi i tij i parë ndërkombëtar, “Meshkujt”, i frymëzuar nga jeta e diplomatit-playboy të famshëm latino-amerikan Porfirio Rubirosa, ku ai luan rolin e tij, del në mars në Shtetet e Bashkuara, në prill në Britaninë e Madhe, dhe në shtator në Francë. Ndërkohë, ai ka luajtur një western, “Shtylla kurrizore e Djallit”, dhe në shkurt të 1966 u martua me Branka Petriç, një aktore jugosllave.

 

“— Djali ynë, 18 muajsh, quhet Uliks për shkak të rolit tim në serial. Në fakt, unë kam një grua dhe një të dashur. Po, po, shkruajeni : është e njëjta. Unë vazhdoj ta konsideroj gruan time si të dashurën time sepse ne të dy jemi kundër martesës. Ne nënshkruam një kontratë për shkak të së ardhmes së djalit tonë, dhe pastaj, këtë kontratë, e harruam. Oh ! po, dashuria ime për të (Brankën) nuk ka kufi !”

 

Kur ai erdhi për të prezantuar tri vite më parë në Kanë “Ciganët e lumtur”, Bekim Fehmiun e quajtën unanimisht "Belmondo jugosllav".

 

“— Duhet të jetë sepse ne ndodhemi në Francë, thotë ai. Belmondo është marrë me boks dhe unë gjithashtu. Këtë e dëshmon hunda e tij dhe e imja.”

 

Bekim Fehmiu është një nga tetë fëmijët e një familje shqiptare, shumë e bashkuar, dhe asnjëherë nuk është marrë me ndonjë punë tjetër përveç komedisë.

 

“— Kur mbusha 16 vjeç, thotë ai, pashë një film në anglisht. Ishte ky moment kur unë vendosa të bëhem aktor. Pas shkollës së mesme, shkova në Akademinë e Arteve, por më duhej të prisja një vit për të hyrë aty : Unë flisja vetëm shqip dhe frëngjisht dhe në akademi, tekstet thuheshin (lexoheshin) në serbisht.”

 

Ai dëshiron të ketë dymbëdhjetë fëmijë

 

Ai ka luajtur gjithçka, duke qenë në të njëjtën kohë pjesë e dy trupave të vendit të tij, të Teatrit Kombëtar që ngjason me Komedinë-Franceze, dhe të një teatri avangard. Ndër autorët (personazhet) e shumtë që ka interpretuar bëjnë pjesë : Eskili, Sofokliu, Shekspiri, Molieri, Racine, Sartrë, Vojnesko, Pinteri dhe Dostojevski.

 

Padyshim, dhe kjo e bën atë të qeshë shumë, ai u zgjodh çdo vit aktori më i mirë i ri në Jugosllavi, vend të cilin e përfaqësoi në Teatrin e Kombeve në Sarah-Bernhardt në 1964.

 

Problemi i tij i vetëm, aktualisht : ai ka vendosur të ketë dymbëdhjetë fëmijë. Gruaja e tij preferon të ndalet tek i gjashti.

 

J.W.

 

* Çdo gazetë online apo print, çdo portal që merr këtë shkrim duhet të citojë autorin në fillim e tij (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/paris-presse-1970-emri-i-djalit-krahasimi-me-belmondon-gruaja-dhe-e-dashura-e-tij-numri-i-femijeve-qe-deshiron-intervista-ekskluzive-me-bekim-fehmiun/. Në rast të kundërt mos e publiko.

 

 

Publikuar në :

 

https://americaneye.al/emri-i-djalit-krahasimi-me-belmondon-gruaja-dhe-e-dashura-e-tij-nje-interviste-intime-me-bekim-fehmiun/

 

https://www.kultplus.com/filmi/intervista-ekskluzive-e-bekim-fehmiut-per-paris-presse-une-kam-nje-grua-dhe-nje-te-dashur/

 

https://balkanweb.com/e-quanin-belmondo-jugosllav-intervista-e-bekim-fehmiut-per-paris-presse-ne-1970/

 

https://www.syri.net/arte-media/288509/bekim-fehmiu-kam-nje-grua-dhe-nje-te-dashur-kam-tim-bir-qe-e-quajta-uliks/

 

https://www.botasot.info/historia-lajme/1174205/paris-presse-1970-emri-i-djalit-krahasimi-me-belmondon-gruaja-dhe-e-dashura-e-tij-numri-i-femijeve-qe-deshiron-hellip/

 

https://opinion.al/intervista-me-bekim-fehmiun-emri-i-djalit-gruaja-dhe-e-dashura-e-tij/

 

https://prizrenpress.com/kulture/intervista-ekskluzive-e-bekim-fehmiut-per-paris-presse-une-kam-nje-grua-dhe-nje-te-dashur/

 

https://konica.al/2019/10/bekim-fehmiu-kam-nje-grua-dhe-nje-te-dashur/

 

http://www.gazetatribuna.com/kulture/intervista-ekskluzive-e-bekim-fehmiut-per-paris-presse-une-kam-nje-grua-dhe-nje-te-dashur/

 

https://www.voal.ch/paris-presse-1970-intervista-ekskluzive-bekim-fehmiun-belmondon-jugosllav-emri-djalit-gruaja-dhe-e-dashura-numri-femijeve-qe-deshiron/

 

https://www.koha.net/kulture/190289/rrefimi-ndryshe-i-bekim-fehmiut-me-1970-emri-i-djalit-gruaja-dhe-e-dashura/

 

https://telegrafi.com/bekim-fehmiut-1970-jam-kunder-marteses-por-dua-ti-kem-12-femije/

 

https://gazetamapo.al/emri-i-djalit-gruaja-dhe-dashura-rrefimi-ndryshe-i-bekim-fehmiut/