News Chronicle (1958) / Nënë Tereza, murgesha me origjinë shqiptare në Indi që di të bëjë mrekulli

Nga Aurenc Bebja*, Francë – 11 Tetor 2020

“Paris-presse” ka botuar, të martën e 18 marsit 1958, në faqen n°4, shkrimin e gazetës britanike “News Chronicle” dedikuar Nënë Terezës dhe misionit të saj në Indi, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

Në Kalkuta

Nënë Tereza është “doktor Schweitzer-i” i të paprekshmëve (të sëmurëve)

Burimi : gallica.bnf.fr / Bibliothèque nationale de France

Kalkuta, katër milion e pesëqind mijë banorë, qyteti më i mbipopulluar i Indisë së mbipopulluar, ku gjysma e popullsisë fle në rrugë, ka “Dr Schweitzer-in” e saj : është Nënë Tereza, një murgeshë me origjinë shqiptare, drejtuese e misionit të “Motrave të Bamirësisë”.

Me 75 motrat (murgeshat) e saj me origjinë indiane, ajo drejton shtatë klinika, njëzet e shtatë shkolla, një qendër mësimore. Ajo trajton pesëdhjetë mijë të sëmurë çdo vit dhe mëson (shkollon) shtatë mijë fëmijë të paprekshëm (të sëmurë).

E veshur me një sari të bardhë, ajo përshkon rrugicat e frikshme të qytetit të vjetër me një furgon ngjyrë të kaltër në të cilin është shkruajtur : “Prekni lebrozët me dhembshuri”.

Ndihmësit e saj vazhdojnë të ngarkojnë nevojtarë në të për t’i transportuar nëpër spitale.

Për më të mjerët e këtyre të varfërve, ajo themeloi një institucion të cilin e quajti “Shtëpia e vendasve në prag të vdekjes”.

“Një vdekje e butë është bekimi i vetëm që mund t’u sjell atyre”, tha ajo.

Një ditë, një dem i tërbuar u fut në turmën e mbushur me njerëz në rrugicat e errëta, duke përmbysur dhe shkelur gjithçka. Nënë Tereza e qetësoi me një lëvizje të dorës. Që atëherë, është përfolur se ajo di të arrijë (bëjë) mrekulli.

(News Chronicle, Londër.)

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/news-chronicle-1958-nene-tereza-murgesha-me-origjine-shqiptare-ne-indi-qe-di-te-beje-mrekulli/. Në rast të kundërt mos e publiko.

Publikuar në :

https://americaneye.al/nene-tereza-murgesha-shqiptare-ne-indi-qe-di-te-beje-mrekulli/

https://www.kultplus.com/lajme/1958-new-chronicle-nene-tereza-murgesha-shqiptare-ne-indi-qe-di-te-beje-mrekulli/

https://www.balkanweb.com/nene-tereza-murgesha-me-origjine-shqiptare-qe-di-te-beje-mrekulli-cfare-shkruante-gazeta-britanike-me-1958-en-per-shenjtoren/

http://www.arsalbanica.mk/news-chronicle-1958-nene-tereza-murgesha-me-origjine-shqiptare-ne-indi-qe-di-te-beje-mrekulli/

https://www.botasot.info/historia-lajme/1396707/news-chronicle-1958-nene-tereza-murgesha-me-origjine-shqiptare-ne-indi-qe-di-te-beje-mrekulli/

https://alb-spirit.com/2020/10/11/news-chronicle-1958-nene-tereza-murgesha-origjine-shqiptare-ne-indi-qe-di-te-beje-mrekulli/

https://njekomb.org/news-chronicle-1958-nene-tereza-murgesha-me-origjine-shqiptare-ne-indi-qe-di-te-beje-mrekulli/

http://gazetashqiptare.al/2020/10/11/nene-tereza-murgesha-origjine-shqiptare-qe-di-te-beje-mrekulli-ja-cfare-shkruante-gazeta-britanike-1958-en-per-shenjtoren/

https://alpenews.al/dossier-nene-tereza-murgesha-me-origjine-shqiptare-qe-di-te-beje-mrekulli-cfare-shkruante-gazeta-britanike-me-1958-en/

https://kohajone.com/nene-tereza-murgesha-me-origjine-shqiptare-qe-di-te-beje-mrekulli-cfare-shkruante-gazeta-britanike-me-1958-en-per-shenjtoren/

https://360grade.al/382833/nene-tereza-murgesha-me-origjine-shqiptare-qe-di-te-beje-mrekulli-cfare-shkruante-gazeta-britanike-me-1958-en-per-shenjtoren/