Le Temps (1916) / Esat Pasha i dhuroi 5.000 franga ushtrisë franceze

Nga Aurenc Bebja*, Francë – 6 Shkurt 2020

 

“Le Temps” ka botuar, të shtunën e 29 prillit 1916, në faqen n°4, një shkrim në lidhje me gjestin e Esat Pashë Toptanit për ushtrinë franceze, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

 

Një gjest nga Esat Pasha

 

Ne e dimë që Esat Pasha, president i qeverisë së Shqipërisë, kohët e fundit vizitoi frontin francez të ushtrisë ...* dhe se ai mori pjesë në 7 Prill në paradën e një regjimenti dhe ceremoninë e dekorimeve që e shoqëruan atë.

 

Pas kësaj ngjarje, Esat Pasha i dërgoi letrën e mëposhtme komandantit të përgjithshëm të ushtrisë ... * :

 

“Gjenerali im,

 

Unë nuk do ta harroj kurrë spektaklin e shkëlqyeshëm, të cilin e ndoqa pranë jush kur, në këtë fushë të Champagne-s, ku rreh zemra e Francës, përpara flamujve të regjimenteve, në prani të trupave tuaja të bukura, ju, gjenerali im, me shpatën tuaj, bëtë anëtarë të Legjionit të Nderit këta ushtarë trima, të rreshtuar para jush, me fytyrat luftarake të cilat pasqyronin heroizmin e shpirtit të tyre. Ky kujtim është edhe më i ëmbël dhe më i shtrenjtë për mua që kur u bëra vëllai i tyre, pasi Presidenti i Republikës më bëri nderin të më jepte gradën e Oficerit të Madh të urdhërit tuaj kombëtar.

 

Duke menduar për ta, mendimi im i drejtohet edhe atyre që kanë dhënë jetën në nder të marrjes së këtij urdhri të lavdishëm, por edhe grave dhe jetimëve që i vajtojnë. Ndoshta midis familjarëve të legjionarëve në ushtrinë tuaj ka ndonjë vuajtje urgjente për t’u lehtësuar ? Prandaj, më lejoni, Gjeneral im, t’ju dërgoj 5.000 franga, duke kërkuar që të këshilloni zemrën tuaj për t’i shpërndarë ato.

 

Unë pashë në gjoksin tuaj shkëlqimin e këtij ylli që më krenon dhe më jep forcë, kjo është një lidhje më shumë midis jush, gjenerali im dhe tërësisë suaj të përkushtuar.”

 

ESATI.

 

Kështu, shuma e vënë në dispozicion të ushtrisë ... * nga Esat Pasha do të ndahet në dhjetë pjesë nga pesëqind franga dhe do t’u shpërndahet atyre që e meritojnë më shumë.

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/le-temps-1916-esat-pasha-i-dhuroi-5-000-franga-ushtrise-franceze/. Në rast të kundërt mos e publiko.

 

 

Publikuar në :

 

https://americaneye.al/pse-esat-pasha-i-dhuroi-5-mije-franga-ushtrise-franceze/

 

https://shqiptarja.com/lajm/esat-pasha-i-dhuroi-5000-franga-ushtrise-franceze

 

https://www.botasot.info/historia-lajme/1230529/le-temps-1916-esat-pasha-i-dhuroi-5-000-franga-ushtrise-franceze/

 

https://www.voal.ch/le-temps-1916-esat-pasha-dhuroi-5-000-franga-ushtrise-franceze/

 

https://www.balkanweb.com/le-temps-1916-esat-pasha-i-dhuroi-5-000-franga-ushtrise-franceze/

 

https://njekomb.org/le-temps-1916-esat-pasha-i-dhuroi-5-000-franga-ushtrise-franceze/

 

http://www.standard.al/2020/02/06/esat-pasha-i-dhuroi-5-000-franga-ushtrise-franceze/

 

https://vloranews.al/kulture/le-temps-1916-esat-pasha-i-dhuroi-5-000-franga-ushtrise-franceze/

 

https://tirananews.al/le-temps-1916-esat-pasha-i-dhuroi-5-000-franga-ushtrise-franceze/

 

https://dosja.al/dosja-esat-5/