Le Radical (1924) / Vrasja e katër turistëve amerikanë në Shqipëri, një ngjarje e rëndë për të cilën qeveria shqiptare reagoi me ashpërsinë më të madhe ndaj vrasësve

Nga Aurenc Bebja*, Francë – 31 Mars 2019

 

Gazeta franceze “Le Radical” ka botuar, të premten e 11 prillit dhe të shtunën e 19 prillit 1924, në ballinë, dy shkrime në lidhje me vrasjen e katër turistëve amerikanë në Shqipëri, të cilat, Aurenc Bebja, nëpërmjet Blogut “Dars (Klos), Mat – Albania”, i ka sjellë për publikun shqiptar :

Vrasja e dy amerikanëve

 

Xhandarmeria shqiptare vret tre nga vrasësit dhe plagos të katërtin.

 

Londër, 10 prill.

 

Një mesazh nga Tirana njofton se xhandarmëria shqiptare ka hyrë në kontakt me gjashtë nga vrasësit e dy amerikanëve, Zotërinjtë George Bowen de Long, nga New York-u, dhe Robert-Louis Coloman.

 

Pas një lufte të ashpër, tre nga vrasësit u vranë dhe një i katërt u plagos.

 

Gjendja e shtetrrethimit është shpallur në zonën në të cilën supozohet të jenë strehuar banditët.

 

Qeveria është e vendosur të vazhdojë të veprojë me ashpërsinë më të madhe për të kapur banditët, të gjallë ose të vdekur.

 

Dy amerikanë të vrarë afër Tiranës nga banditët shqiptarë

 

Korrespondenti i “Chicago Tribune” shkruan nga Athina :

 

Sipas një shkrese të marrë nga autoriteti ushtarak grek i Epirit drejtuar ministrit grek të luftës, trupat e dy amerikanëve të vrarë nga banditët shqiptarë u gjetën një ditë më parë në zonat e pyllëzuara pranë qytetit të Tiranës.

 

Kjo vrasje e re, nëse konfirmohet, do të sjellë në katër numrin e viktimave amerikane nga banditët shqiptarë. Kujtojmë se dy amerikanë të tjerë të pasur u vranë në të njëjtin rajon pak javë më parë.

 

Sipas kësaj shkrese, njerëzit e vrarë një ditë më parë ishin turistë amerikanë të bashkangjitur suitës së z. Pierpont Morgan. Vrasja u krye nga një bandë prej pesëmbëdhjetë burrave që u ngritën kurth amerikanëve.

 

Ky krim i ri kundër shtetasve amerikanë ka shkaktuar zemërim në qarqet zyrtare shqiptare.

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/le-radical-1924-vrasja-e-kater-turisteve-amerikane-ne-shqiperi-nje-ngjarje-e-rende-per-te-cilen-qeveria-shqiptare-reagoi-me-ashpersine-me-te-madhe-ndaj-vrasesve/. Në rast të kundërt mos e publiko këtë shkrim.

 

 

Publikuar në :

 

http://illyriapress.com/le-radical-1924-vrasja-e-kater-turisteve-amerikane-ne-shqiperi/

 

https://americaneye.al/le-radical-1924-vrasja-e-4-amerikaneve-ne-shqiperi-dhe-reagimi-i-ashper-i-qeverise-se-tiranes/

 

http://www.gazetatema.net/2019/03/31/dossier-ekzekutimi-i-kater-turisteve-amerikane-ne-shqiperine-e-vitit-1924-dhe-reagimi-i-forte-i-tiranes/

 

https://www.voal.ch/le-radical-1924-vrasja-e-kater-turisteve-amerikane-ne-shqiperi-nje-ngjarje-e-rende-per-te-cilen-qeveria-shqiptare-reagoi-ashpersine-te-madhe-ndaj-vrasesve/

 

https://www.botasot.info/historia-lajme/1058989/le-radical-1924-vrasja-e-kater-turisteve-amerikane-ne-shqiperi-nje-ngjarje-e-rende/

 

https://opinion.al/1924-si-reagoi-shteti-per-vrasjen-e-kater-turisteve-amerikane-ne-shqiperi/

 

http://www.javanews.al/si-u-vrane-kater-turistet-amerikane-ne-tiranen-e-vitit-1924/

 

https://www.syri.net/arte-media/242292/vrasja-se-4-turisteve-amerikane-ne-shqiperi-ne-1924-si-u-kunderpergjigj-qeveria-shqiptare/