Le Miroir des sports (1942) / Fate të veçanta sportive : Riza Lushta, qendërsulmuesi shqiptar i Juventusit që luajti për S. O. Montpellier gjatë sezonit 1939-40

Nga Aurenc Bebja, Francë – 12 Dhjetor 2020

 

“Le Miroir des sports” ka botuar, të hënën e 6 korrikut 1942, në faqen n°6, një rrëfim të rrallë për futbollistin e talentuar shqiptar nga Mitrovica, Riza Lushtën, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar : 

 

Fate të veçanta sportive

 

“Nëse ka një vend i cili, nga numri dhe cilësia e lojtarëve të tij, mund të pretendojë se nuk ka asgjë për të mësuar nga askush në kontinent, kjo është Italia, fituese dy herë e Kupës së Botës, në 1934 dhe 1938, dhe palmares-i ndërkombëtar i të cilës është madhështor.

 

Megjithatë…

 

Megjithatë, trajneri i A. S. Romës, kampion i Italisë në 1912, është një hungarez, Alfred Schaffer. Asnjëherë A. S. Roma, që prej vitit 1898 që kampionati italian ekziston, nuk e kishte fituar titullin. Klubi ka arritur këtë sukses, këtë vit, me një ekip që nuk ka në radhët e tij asnjë lojtar titullar në “njëmbëdhjetëshen” e një kombëtarje. Merita e Shaffer-it është akoma dhe më e madhe.

 

Megjithatë përsëri Juventusi i Torinos, fitues i Kupës së Italisë në 1942, ia detyron suksesin e tij qendërsulmuesit shqiptar Lushta, i cili shënoi kundër Milanit dy herë radhasi, ndërsa ekipi Lombard, i udhëhequr nga 2 -1, dukej se do të barazonte. Nga 2-1, Piemontezët rritën diferencën në 4-1; Ishte shumë për ekipin e ri të Milanos...

 

Duket kështu që, edhe brenda një elite, njerëz të jashtëzakonshëm, “fate të veçanta” si Schaffer dhe Lushta arrijnë të imponohen. Sidoqoftë për Schaffer-in, kishim dëgjuar për reputacionin evropian të krijuar për shumë vite, si lojtar dhe më pas si trajner.

 

Por Lushta ?

 

Ky Lushta, aktualisht futbollisti më i njohur në Piemont, nuk ka asgjë të përbashkët me Lushtën, të quajtur Riza, i lindur më 21 janar 1916, në Nierogiza (Mitrovicë, Shqipëri), dhe i cili luajti për S. O. Montpellier gjatë sezonit 1939-1940 ?

 

Nëse është kështu, si mund ta shpjegojmë që nuk u fol për këtë lojtar në Francë? A nuk pati njeri për të dalluar klasin e jashtëzakonshme të një lojtari që arriti të imponohej në mesin e lojtarëve më të mirë italianë dhe që, të dielën e kaluar, shënoi dy gola vendimtarë si në paradë, pas një serie fintesh dhe driblimesh që shmangën mbrojtësit kundërshtarë nga rruga e tij, aq sa ai pati kohë për të bllokuar me qetësi topin për të shënuar në mënyrë të pandalshme?”

 

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/le-miroir-des-sports-1942-fate-te-vecanta-sportive-riza-lushta-qendersulmuesi-shqiptar-i-juventusit-qe-luajti-per-s-o-montpellier-gjate-sezonit-1939-40/. Në rast të kundërt mos e publiko.

 

 

Publikuar në :

 

https://americaneye.al/fate-te-vecanta-sportive-riza-lushta-sulmuesi-shqiptar-i-juventusit-qe-luajti-edhe-per-montpellier/

 

https://www.kultplus.com/libri/le-miroir-des-sports-riza-lushta-qendersulmuesi-shqiptar-i-juventusit/

 

https://www.botasot.info/historia-lajme/1452430/le-miroir-des-sports-1942-riza-lushta-qendersulmuesi-shqiptar-i-juventusit-qe-luajti-per-s-o-montpellier-gjate-sezonit-1939-40/

 

https://opinion.al/1942-riza-lushta-qendersulmuesi-shqiptar-i-juventusit/

 

https://www.droni.al/2020/12/12/le-miroir-des-sports-1942-riza-lushta-qendersulmuesi-brilant-shqiptar-i-juventusit-gjate-luftes-se-dyte-boterore/

 

https://alb-spirit.com/2020/12/12/le-miroir-des-sports-1942-fate-te-vecanta-sportive-riza-lushta-qendersulmuesi-shqiptar-juventusit-qe-luajti-per-s-o-montpellier-gjate-sezonit-1939-40/

 

https://diasporashqiptare.al/2020/12/12/1942-cfare-shkruante-le-miroir-des-sports-per-futbollistin-riza-lushta/

 

https://almakos.com/le-miroir-des-sports-1942-riza-lushta-qendersulmuesi-shqiptar-i-juventusit-qe-luajti-per-s-o-montpellier-gjate-sezonit-1939-40/

 

https://lajme.org/riza-lushta-qendersulmuesi-shqiptar-i-juventusit/

 

https://medial.mk/2020/12/12/le-miroir-des-sports-1942-riza-lushta-qendersulmuesi-shqiptar-i-juventusit-qe-luajti-per-s-o-montpellier-gjate-sezonit-1939-40/