La Liberté (1920) / Esat Pasha : “Mos harroni se shqiptari është krenar, guximtar dhe i lidhur fort me traditat e tij kombëtare, prandaj Kongresi i Londrës…”

Nga Aurenc Bebja*, Francë – 22 Gusht 2020

 

“La Liberté” ka botuar, të martën e 6 prillit 1920, në faqen n°3, intervistën e saj me Esat Pashën në lidhje me vendimin e Kongresit të Londrës ndaj Shqipërisë, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

 

Fati i Shqipërisë

Një takim me Esat Pashën

Ne jemi të vetëdijshëm për shërbimet e shkëlqyera që Esat Pasha i bëri Francës gjatë luftës. Ishte mjaft interesante të merrnim mendimin e këtij miku, të djeshëm dhe të sotëm, për çështjen shqetësuese të Shqipërisë, zgjidhja e së cilës, duket se është e menjëhershme.

 

Esat Pasha ka vështirësi të shprehet në frëngjisht dhe përdor një përkthyes.

 

“Jo, u përgjigj pyetjes sonë, pushtimi i Shqipërisë nga trupat italiane nuk është përfundimtar dhe nuk fyen në asnjë mënyrë ndjenjat e shtetasve tanë.

 

Fati i vendit tim është akoma i pavendosur; Kongresi i Londrës po vazhdon në mënyrë aktive punën e tij dhe vendimi i tij nuk do të zgjasë shumë.”

 

A besoni, gjeneral, se atij do t’i jepet autonomia ?

 

E shpresoj dhe besoj. Do të bënin një gabim të madh, tepër të madh, nëse nuk respektojnë vullnetin e shqiptarëve; pra, ata duan të jenë të lirë. Nëse pavarësia e tyre nuk do të njihej, paqja e Ballkanit do të rrezikohej seriozisht dhe, për t’u dhënë mendimin tim, do të kishte arsye për t’u frikësuar nga trazira të vazhdueshme. Mos harroni se shqiptari është krenar, guximtar dhe i lidhur fort me traditat e tij kombëtare. Të gjithë personat kompetente në këtë çështje do të jenë njëzëri me mendimin tim.

 

— Cili do të ishte regjimi (politik) që do t’i përshtatej më mirë ?

 

Gjenerali bën një gjest. “Kjo, tha ai, është delikate. Gjatë luftës, unë kam qenë Presidenti i Këshillit të Shqipërisë deri në kohën e pushtimit. Aktualisht, vendi është nën kontrollin e Aleatëve.” Gjenerali ndalet. Natyrisht, modestia e tij e ndalon atë që të zhvillojë mendimet e tij. “Le ta lëmë këtë, shton ai. Unë i besoj besnikërisë së Francës dhe pres me padurim vendimet e Kongresit të Londrës : është e mundur që status quo-i i paraluftës të ruhet; vetëm atëherë mund të jap më shumë detaje.”

 

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/la-liberte-1920-esat-pasha-mos-harroni-se-shqiptari-eshte-krenar-guximtar-dhe-i-lidhur-fort-me-traditat-e-tij-kombetare-prandaj-kongresi-i-londres/. Në rast të kundërt mos e publiko.

 

 

Publikuar në :

 

https://www.balkanweb.com/la-liberte-1920-esat-pasha-mos-harroni-se-shqiptari-eshte-krenar-guzimtar-dhe-i-lidhur-fort-me-traditat-e-tij-kombetare-prandaj/

 

https://www.kultplus.com/lajme/esat-pasha-mos-harroni-se-shqiptari-eshte-krenar-guximtar-dhe-i-lidhur-fort-me-traditat-e-tij-kombetare/

 

https://www.syri.net/arte-media/362396/esat-pashe-toptani-mos-harroni-se-shqiptari-eshte-krenar-guximtar/

 

http://www.gazetatema.net/2020/08/22/intervista-e-esat-pashes-ne-1920-mos-harroni-se-shqiptari-eshte-krenar-guximtar-dhe-i-lidhur-fort-me-traditat-e-tij-kombetare-mendimi-per-vendimin-e-kongresit-te-londres/

 

https://opinion.al/1920-esat-pasha-jemi-krenare-kongresi-i-londres-do-bente-gabim-nese/

 

https://alb-spirit.com/2020/08/22/la-liberte1920esat-pasha-mos-harroni-se-shqiptari-eshte-krenar-guximtar-dhe-lidhur-fort-traditat-e-tij-kombetare/

 

https://shqiptarja.com/lajm/esat-pasha-mos-harroni-se-shqiptari-eshte-krenar-guximtar-dhe-i-lidhur-fort-me-traditat-e-tij-kombetare-prandaj-kongresi-i-londres

 

https://konica.al/2020/08/esat-pasha-mos-harroni-se-shqiptari-eshte-krenar-guzimtar/

 

https://konica.al/2020/08/esat-pasha-mos-harroni-se-shqiptari-eshte-krenar-guzimtar/

 

https://literal.media/-esat-pasha-mos-harroni-se-shqiptari-eshte-krenar-guximtar-dhe-i-lidhur-fort-me-traditat-e-tij-kombetare/121884

 

https://www.botasot.info/historia-lajme/1359160/la-liberte-1920-esat-pasha-mos-harroni-se-shqiptari-eshte-krenar-guximtar-dhe-i-lidhur-fort-me-traditat-e-tij-kombetare-prandaj-kongresi-i-londres-hellip/

 

https://www.voal.ch/la-liberte-1920-esat-pasha-mos-harroni-se-shqiptari-eshte-krenar-guximtar-dhe-lidhur-fort-traditat-e-tij-kombetare-prandaj-kongresi-londres/

 

https://dosja.al/esat-pasha-mos-harroni-se-shqiptari-eshte-krenar-guximtar-dhe-i-lidhur-fort-me-traditat-e-tij-kombetare-prandaj-kongresi-i-londres/

 

https://www.zgjohushqiptar.info/2020/08/esat-pasha-mos-harroni-se-shqiptari-eshte-krenar-guximtar-dhe-i-lidhur-fort-me-traditat-e-tij-kombetare.html

 

https://mergata.ch/la-liberte-1920-esat-pasha-mos-harroni-se-shqiptari-eshte-krenar-guximtar-dhe-i-lidhur-fort-me-traditat-e-tij-kombetare-prandaj-kongresi-i-londres/