L’Intransigeant (1937) : Vendimi i Mbretit Zog, që gratë shqiptare të heqin “çarçafin – ferexhen”, e bëri Tiranën të lumtur.

Burimi : gallica.bnf.fr / Bibliothèque nationale de France

Nga Aurenc Bebja*, Francë – 18 Nëntor 2017

Gazeta franceze, “L’Intransigeant”, ka botuar, të mërkurën e 31 marsit 1937, në faqen n°3, një shkrim në lidhje me vendimin historik të Mbretit Zog për heqjen e “çarçafit – ferexhesë” nga gratë shqiptare.

Si u prit ky vendim në Tiranë dhe në mbarë Shqipërinë ? Në vijim, do të gjeni shkrimin e plotë, të sjellë në shqip nga Aurenc Bebja – Blogu “Dars (Klos), Mat – Albania” :

Tirana, qytet i lumtur

Një vendim i Mbretit Zog i cili është mirëpritur

(Nga i dërguari ynë special)

Tiranë, 30 mars.

“Shqiptaret e bukura, që prej katër ditësh, kanë zbuluar fytyrat e tyre. Mysliman besnik, por sundimtar modern, Mbreti Ahmet Zogu, në fakt, ka adoptuar nga Parlamenti një ligj që urdhëron gratë e mbretërisë së tij të heqin dorë nga “çarçafi – ferexheja”, një zakon i vjetër i imponuar në shekullin e XV-të nga turqit, kur ata pushtuan Shqipërinë pas vdekjes së heroit kombëtar shqiptar Skënderbeut.

Ky vendim ka ngjallur gëzim të madh në të gjithë Shqipërinë : tek gratë, së pari, të cilat janë, si të gjitha bijat e Evës, të lumtura që admirohen, dhe tek të gjithë të rinjtë.

Tirana është bërë papritur një qytet i lumtur... Të qeshurat dhe rinia ndriçojnë të gjitha fytyrat... Dhe të huajt, të kënaqur, zbulojnë bukuritë që nuk dyshonin...

Kudo, e miratojnë vendimin e sovranit – i cili qe bërë popullor, me 1 mars 1928, duke adoptuar nga Parlamenti, barazinë e të drejtave mes gruas dhe burrit. Padyshim, që disa myslimanë të vjetër, të cilët kundërshtojnë modernizmin, protestojnë në rrugët e Tiranës, kur takohen me gra pa ferexhe, por ata janë vetëm një pakicë e vogël që nuk shqetëson asnjeri. Dhe bukuroshet shqiptare u përgjigjen atyre nëpërmjet buzëqeshjeve më të lumtura.”

R. Singer.

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/l-intransigeant-1937-vendimi-i-mbretit-zog-qe-grate-shqiptare-te-heqin-carcafin-ferexhen-e-beri-tiranen-te-lumtur/. Në rast të kundërt mos e publiko këtë shkrim.

Publikuar në :

http://www.americaneye.al/grate-te-heqin-ferexhene-vendimi-mbretit-zog-e-ben-tiranen-te-lumtur/

http://www.syri.net/arte-media/109918/shqiptaret-e-bukura-qe-prej-4-ditesh-kane-zbuluar-fytyrat-fale-ahmet-zogut/

http://www.gazetadita.al/grate-te-heqin-ferexhene-vendimi-i-zogut-e-ben-tiranen-te-lumtur/

http://www.gazetatema.net/2017/11/18/dossier-vendimi-i-zogut-e-ben-tiranen-te-lumtur-grate-te-heqin-ferexhene/

http://www.panorama.com.al/shqiptaret-e-bukura-zbuluan-fytyren-vendimi-i-zogut-per-heqjen-e-ferexheve/

http://www.botasot.info/historia-lajme/791345/lintransigeant-1937-vendimi-i-mbretit-zog-qe-grate-shqiptare-te-heqin-carcafin-ndash-ferexhen-e-beri-tiranen-te-lumtur/

https://www.voal.ch/lintransigeant-1937-vendimi-mbretit-zog-qe-grate-shqiptare-te-heqin-carcafin-ferexhen-e-beri-tiranen-te-lumtur/

http://shekulli.com.al/shqiptaret-e-bukura-zbuluan-fytyrat-vendimi-mbretit-zog-per-ferexhene-jehone-ne-shtypin-francez

https://maqedoniashqiptare.com/2017/11/lintransigeant-1937-vendimi-i-mbretit-zog-qe-grate-shqiptare-te-heqin-carcafin-ferexhen-e-beri-tiranen-te-lumtur/

http://www.pamfleti.com/shqiptaret-e-bukura-zbuluan-fytyrat-vendimi-mbretit-zog-per-ferexhene-jehone-ne-shtypin-francez

http://opinion.al/shqiptaret-e-bukura-zbuluan-fytyrat-vendimi-i-mbretit-zog-per-ferexhene-jehone-ne-shtypin-francez/