L’Echo de Paris (1910) / Preteksti i mbylljes së shkollave shqiptare në Elbasan dhe Korçë nga qeveria turke

Nga Aurenc Bebja*, Francë – 24 Tetor 2021

“L’Echo de Paris” ka botuar, të dielën e 11 shtatori 1910, në faqen n°3, një shkrim në lidhje me pretekstin e mbylljes së shkollave shqiptare në Elbasan dhe Korçë asokohe nga qeveria turke, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

Mbyllja e shkollave shqiptare

Burimi : gallica.bnf.fr / Bibliothèque nationale de France

Nga korrespondenti ynë i veçantë

Kostandinopojë, 10 shtator.

Një vendim i rëndë sapo është marrë nga qeveria turke. Ajo urdhëroi mbylljen e shkollave shqiptare në Elbasan dhe Korçë, me pretekstin se shkronjat latine me të cilat mësohej gjuha shqipe në këto shkolla janë në kundërshtim me besimin mysliman dhe Kuranin.

Thuhet gjithashtu se shkolla të tjera shqiptare do të mbyllen. Me pak fjalë, është e sigurt se, pas ekspeditës në Shqipëri, shqiptarët nuk do të kenë më shkolla shqiptare, me plot fjalën, dhe as që do të lejohen të mësojnë gjuhën e tyre me shkronja latine.

Ne duhet ta krahasojmë këtë vendim me një tjetër të marrë, sipas gazetave të Smirnës, nga Ministria e Mësimit (Arsimit) Publik. Kjo e fundit, në fakt, ka ndaluar mësimin e gjuhës greke në shkollat turke, në vilajetin e Aïdinit.

Këtu kemi të bëjmë me një vendim thelbësisht të gabuar, sepse mënyra e vërtetë për të tërhequr jomuslimanët në shkollat turke, domethënë në ato të shtetit, është të mësosh aty gjuhët amtare të këtyre jomuslimanëve, duke ruajtur turqishten, natyrisht, si gjuhën e parë në shkollë.

Duket se, me këto vendime të gabuara, turqit duan ta bëjnë Evropën të besojë, krejt gabimisht, se ata kanë një plan sekret për të turqizuar racat e ndryshme të Perandorisë. — P.

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/l-echo-de-paris-1910-preteksti-i-mbylljes-se-shkollave-shqiptare-ne-elbasan-dhe-korce-nga-qeveria-turke/. Në rast të kundërt mos e publiko.

Publikuar në :

https://americaneye.al/lecho-de-paris-1910-preteksti-i-mbylljes-se-shkollave-shqiptare-ne-elbasan-dhe-korce-nga-qeveria-turke/

http://www.illyria.com/lecho-de-paris-1910-preteksti-i-mbylljes-se-shkollave-shqiptare-ne-elbasan-dhe-korce-nga-qeveria-turke/

https://www.kultplus.com/trashegimia/gazeta-franceze-ne-vitin-1910-preteksti-i-mbylljes-se-shkollave-shqiptare-ne-elbasan-dhe-korce-nga-qeveri-turke/

https://www.balkanweb.com/preteksti-i-mbylljes-se-shkollave-shqiptare-ne-elbasan-dhe-korce-nga-qeveria-turke-cfare-shkruante-lecho-de-paris-ne-1910-en/

https://fjala.al/2021/10/24/lecho-de-paris-1910-preteksti-i-mbylljes-se-shkollave-shqiptare-ne-elbasan-dhe-korce-nga-qeveria-turke/

https://www.tpz.al/2021/10/24/preteksti-i-mbylljes-se-shkollave-shqiptare-ne-elbasan-dhe-korce-nga-qeveria-turke-cfare-shkruante-lecho-de-paris-ne-1910-en/

https://opinion.al/lecho-de-paris-1910-preteksti-i-mbylljes-se-shkollave-shqipe-nga-qeveria-turke/

http://plavaeguciasot.com/lecho-de-paris-1910-preteksti-i-mbylljes-se-shkollave-shqiptare-ne-elbasan-dhe-korce-nga-qeveria-turke/

https://tirananews.al/nje-vendim-i-rende-sapo-eshte-marre-nga-qeveria-turke-ja-cfare-shkruante-lecho-de-paris-ne-1910-en-per-mbylljen-e-shkollave-shqiptare/

https://konica.al/2021/10/qeveria-turke-kunder-shkollave-shqipe-me-shkronja-latine/

https://alb-spirit.com/2021/10/24/lecho-de-paris-1910-preteksti-mbylljes-se-shkollave-shqiptare-ne-elbasan-dhe-korce-nga-qeveria-turke/