Gazetari francez i Comoedia-s (1927) : “Unë arrita të kaloj disa momente me Aleksandër Moisiun në vilën e tij në Firence.”

Nga Aurenc Bebja*, Francë – 8 Janar 2023

 

“Comoedia” ka botuar, të martën e 20 shtatorit 1927, në faqen n°2, një shkrim në lidhje me vizitën e gazetarit francez tek Aleksandër Moisiu në Firence, të cilin, Aurenc Bebja, nëpërmjet blogut të tij “Dars (Klos), Mat – Albania”, e ka sjellë për publikun shqiptar :

 

Letër nga Austria

Tek Aleksandër Moisiu para ardhjes në Paris 

Vjenë, shtator.

 

(Nga një prej korrespondentëve tanë)

 

Ne e dimë që aktori i madh austriak Aleksandër Moisi, i cili do të vinte pranverën e kaluar për të luajtur në gjermanisht në Paris, shtyu këtë vizitë për arsyet që i kemi shpjeguar.

 

Megjithatë shfaqjet e Aleksandër Moisiut do të zhvillohen, nga date 8 deri në 20 tetor, në “Théâtre de l’Atelier”, pasi z. Moisi dëshiroi të mbante premtimin e dhënë ndaj z. Charles Dullin. Aktori i madh do të luajë në gjermanisht “Kufomën e gjallë” dhe “Othellon”; Aktualisht, ai po përgatitet për këtë udhëtim në Paris, të cilit i kushton rëndësinë më të madhe.

 

Unë arrita të kaloj disa momente me të në vilën e Firences që ai zotëron në periferi. Kjo vilë ngrihet mbi një kodër, e rrethuar nga një park me pemë njëqind vjeçare, i cili shtrihet në tarracë drejt një lugine të gjelbër. Disa pjergulla, shkurre, përreth vaska fildishi dhe lule kudo : trëndafila mëllagë dhe dahlias. Endemi me kënaqësi në këtë kopsht ëndrrash, i mbyllur nga mure të larta dhe rreth të cilit mundohen me pamundësi ta adhurojnë admiruesit të ndaluar nga një udhëzim i rreptë.

 

Ky banim i qetë dhe përrallor, që fle në diell, u krijua për aktorin e madh, në mënyrë që ai të gjente një ndalesë aty pas etheve të jetës teatrale. Gjithçka është qetësi dhe bukuri. Në dhomat e mëdha shoh, mbi qilimat orientalë, tavolina të ulëta dhe gotat kristalit të tejmbushura me frutat e panumërta të pemishteve fqinje.

 

Disa tufa lulesh kurorëzojnë vazot e Italisë me linja të pastra. Në sfondin e një perspektive, një Budë ëndërron dhe, jo shumë larg, qëndron ikona hieratike e Krishtit.

 

E tillë m’u shfaq, gjatë një prej mungesave të tij, banesa e aktorit të shkathët me sy ngjyrë kafe (gështenjë), të këtij njeriu, zëri i të cilit është nga më tërheqësit që ekziston dhe që ngjall personazhet e Rilindjes me një kompleks shqetësues.

 

E. Garry.

 

 

* Çdo gazetë online apo print, çdo portal që merr këtë shkrim duhet të citojë autorin në fillim (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/gazetari-francez-i-comoedia-s-1927-une-arrita-te-kaloj-disa-momente-me-aleksander-moisiun-ne-vilen-e-tij-ne-firence/. Në rast të kundërt mos e publiko.

 

 

Publikuar në :

 

https://gazetadielli.com/gazetari-francez-i-comoedia-s-1927-une-arrita-te-kaloj-disa-momente-me-aleksander-moisiun-ne-vilen-e-tij-ne-firence/

 

https://americaneye.al/gazetari-francez-i-comoedia-s-1927-nje-vizite-te-vila-e-aleksander-moisiu-ne-firence/

 

https://ampress.ca/gazetari-francez-i-comoedia-s-1927-une-arrita-te-kaloj-disa-momente-me-aleksander-moisiun-ne-vilen-e-tij-ne-firence/

 

https://opinion.al/gazetari-francez-1927-une-arrita-te-kaloj-disa-momente-me-aleksander-moisiun/

 

https://diasporashqiptare.al/2023/01/08/gazetari-francez-rrefen-takimin-e-tij-me-aleksander-moisiun-ne-firence-me-1927/

 

https://www.botasot.info/historia-lajme/1929344/gazetari-francez-i-comoedia-s-1927-une-arrita-te-kaloj-disa-momente-me-aleksander-moisiun-ne-vilen-e-tij-ne-firence/

 

https://plavaeguciasot.com/gazetari-francez-i-comoedia-s-1927-une-arrita-te-kaloj-disa-momente-me-aleksander-moisiun-ne-vilen-e-tij-ne-firence/

 

https://alb-spirit.com/2023/01/11/gazetari-francez-comoedia-s-1927-kalova-disa-momente-aleksander-moisiun-ne-vilen-e-tij-ne-firence/