1934 / Deklarata e rëndësishme e Ministrit të Jashtëm të Shqipërisë, z. Xhaferr Vila, në gazetën jugosllave “Politika”

Nga Aurenc Bebja*, Francë – 6 Janar 2024

“Journal des débats politiques et littéraires” ka botuar, të hënën e 18 qershorit 1934, në faqen n°2, deklaratën e rëndësishme të Ministrit të Jashtëm të Shqipërisë, z. Xhaferr Vila, bërë asokohe në gazetën jugosllave “Politika”, të cilën, Aurenc Bebja, nëpërmjet blogut të tij “Dars (Klos), Mat – Albania”, e ka sjellë për publikun shqiptar :

Shqipëri

Deklaratë e rëndësishme nga z. Xhaferr Vila

Z. Xhaferr Vila, Ministër i Jashtëm i Shqipërisë dhe ish-ambasador në Beograd, i intervistuar nga një korrespondent i gazetës jugosllave “Politika” për politikën e jashtme të Shqipërisë, deklaroi ndër të tjera :

“Shqipëria është një popull krenar. Ne i kemi qëndruar gjithmonë besnikë parimit të ruajtjes me xhelozi të sovranitetit të Shqipërisë. Kemi lexuar deklaratat e z. Yevtitch (Jevtiç) për marrëdhëniet e këtyre dy vendeve dhe në veçanti për ruajtjen e pavarësisë së Shqipërisë. Për sa u përket deklaratave të z. Venizelos për vasalitetin e vendit tim, më vjen keq që ish-kryeministri grek ka bërë një interpretim të gabuar të dokumentit të Konferencës së Ambasadorëve të vitit 1921, sepse akti i regjistruar në Lidhjen e Kombeve duhet të forcojë pavarësinë e një shteti dhe jo ta dobësojë atë. Ky dokument nuk ekziston për Shqipërinë, sepse nuk u konsultua dhe nuk mori pjesë në hartimin e tij.”

Në përfundim, z. Vila deklaroi se Shqipëria, duke qenë një shtet i Adriatikut, kishte një vijë bregdetare për të mbrojtur kundër sulmeve ngado që vijnë.

* Çdo gazetë online apo print, çdo portal që merr këtë shkrim duhet të citojë autorin në fillim (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/1934-deklarata-e-rendesishme-e-ministrit-te-jashtem-te-shqiperise-z-xhaferr-vila-ne-gazeten-jugosllave-politika/. Në rast të kundërt mos e publiko.

Publikuar në :

https://gazetadielli.com/1934-deklarata-e-rendesishme-e-ministrit-te-jashtem-te-shqiperise-z-xhaferr-vila-ne-gazeten-jugosllave-politika/

https://americaneye.al/deklarata-e-ministrit-te-jashtem-shqiptar-xhaferr-vila-ne-gazeten-jugosllave-me-1934-shqiperia-eshte-nje-popull-krenar/

https://opinion.al/1934-deklarata-e-ministrit-te-jashtem-te-shqiperise-xhaferr-vila-ne-gazeten-jugosllave-politika/

https://www.botasot.info/historia-lajme/2109263/deklarata-e-rendesishme-e-ministrit-te-jashtem-te-shqiperise-z-xhaferr-vila-ne-gazeten-jugosllave-politika/

https://alb-spirit.com/2024/01/06/deklarata-e-rendesishme-e-ministrit-te-jashtem-te-shqiperise-z-xhaferr-vila/

https://drini.us/1934-deklarata-e-rendesishme-e-ministrit-te-jashtem-te-shqiperise-z-xhaferr-vila-ne-gazeten-jugosllave-politika/

https://www.voal.ch/1934-deklarata-e-rendesishme-e-ministrit-te-jashtem-te-shqiperise-z-xhaferr-vila-ne-gazeten-jugosllave-politika/multimedia/dossier/